原先同爹媽出街食飯，不過天氣太熱又怕落雨，
都係番屋企煮比爹媽食啦。
其中一味主菜係魚湯浸桂花魚腩肉勝瓜。
買咗條好肥美嘅桂花魚，有成差不多兩斤。
將桂花魚起肉....
橫切三份，再轉直切小段。
其他材料有：蓎芹、勝瓜、秀珍菇，
至於魚頭，我會用豆豉辣醬蒸咗佢。
起咗肉嘅魚骨，用嚟煲咗個魚湯備用。
魚腩肉用少少鹽同豆粉調一調底味....
再煎香魚腩肉備用。
煲熱魚湯放入勝瓜秀珍菇煲一煲，
最後加入蓎芹同杞子加上蓋就食得喇。
桂花魚腩起肉去骨，啱小朋友同老人家!！
